Peugeot

Peugeot
productor d'automóviles
Llocalización
Sede	Poissy
Direición	Francia
Forma xurídica	société anonyme à conseil d'administration s.a.i. (mul)
Historia
Fundación	26 setiembre 1810
Fundador	Armand Peugeot
Eslogan	Lions of our time (fr)
Organigrama
Direutor executivu	Linda Jackson (19 xineru 2021)
Sector
Industria	comercio de vehículos y automóviles ligeros (es)
Productos destacaos	automóvil vehículo comercial ligero (es)
Participación empresarial
Organización matriz	Stellantis
Filiales	ver IKAP (en)
Datos económicos
Emplegaos	208 780 (2019)
Web oficial

Peugeot S.A. ye una marca d'automóviles con más de 200 años d'historia, especializada na fabricación de turismos, vehículos comerciales, competición del motor, scooters, servicios de movilidá como arriendu de vehículos, y bicicletes, según útiles de cocina como saleros, pimenteros y molinucos.^[1]

El Grupu PSA, formáu tres l'absorción de Peugeot a Citroën en 1976, ye'l segundu constructor d'Europa.^[2]

Peugeot foi compensáu con numberosos premios polos sos vehículos, por casu, 5 vegaes Coche del Añu n'Europa, 9 vegaes Coche del Añu n'España, 5 vegaes Coche del Añu n'Italia,^[3] o 2 vegaes como Coche del Añu n'Irlanda.

Nel campu de la competición, Peugeot ganó 5 vegaes el Campeonatu Mundial de Rally, 6 vegaes el Rally Dakar, 2 vegaes el Copa Intercontinental Le Mans (2010, 2011), superando a Toyota y Audi, 2 vegaes el Campeonatu Mundial de Resistencia (1992, 1993), 3 vegaes el Campeonatu Intercontinental Rally Challenge.

L'añu 2013 Peugeot Sport superó'l récor establecíu na xubida a Pikes Peak col Peugeot 208 T16, conducíu por Sébastien Loeb,^[4] según la triple victoria del Peugeot 208 GTi na clase de les 24 Hores de Nürburgring.^[5]

L'añu 2015, Peugeot Sport volvió al Rally Dakar, con un equipu formáu pol pilotu español Carlos Sainz, Stéphane Peterhansel y Cyril Despres.,^[6] al equipu sumaríase l'añu 2016 Sébastien Loeb. Peugeot consiguió la victoria l'añu 2016 y 2017, con Stéphane Peterhansel de pilotu.

Al respective de les sos ventes n'España, en 2013 Peugeot ocupó la primer posición nel mercáu de vehículos comerciales, del mercáu total ensin alquiladores y del mercáu d'empreses.^[7]

Ente dalgunos de los modelos que se comercialicen anguaño n'España atopa'l Peugeot 208, la so versión deportiva Peugeot 208 GTi, el crossover urbanu Peugeot 2008, la berlina compacta nuevu Peugeot 308, la berlina familiar Peugeot 508, el Peugeot 3008, el touterrén Peugeot 4008, el monovolume Peugeot 5008 y el coupé deportivu RCZ y la so versión RCZ-R. No relativo a vehículos comerciales, Peugeot comercializa'l Peugeot Partner, fabricáu nel Centru de Producción del Grupu PSA en Vigo^[8] y na Planta arxentina d'El Palombar, y los utilitarios Peugeot Bipper, Expert y Boxer.

1. ↑ «modelos ¿Por qué Peugeot utiliza un lleón como emblema y cómo s'escueyen los númberos de los modelos?». Consultáu'l 29 de setiembre de 2016.
2. ↑ 2013 (Full Year) Europe: Best-Selling Car Manufacturers, Brands and Models (n'inglés).
3. ↑ «Oro Album 'Auto Europa'» (italianu). http://www.uiga.it. Archiváu dende l'orixinal, el 6 d'ochobre de 2014. Consultáu'l 1 d'ochobre de 2014.
4. ↑ Sébastien Loeb and Peugeot smash Pikes Peak record (n'inglés).
5. ↑ Motorpress. «Triplete del Peugeot 208 GTI nes 24 Hores de Nürburgring». Consultáu'l 29 de setiembre de 2016.
6. ↑ MARCA.com. «Carlos Sainz va participar nel Dakar 2015 con Peugeot». Consultáu'l 29 de setiembre de 2016.
7. ↑ ABC. «Peugeot cierra 2013 como líder de ventes nos mercaos españoles». Consultáu'l 29 de setiembre de 2016.
8. ↑ elEconomista.es. «planta-de-PSA-Peugeot-Citron-en-Vigo-produció-297300-vehiculos-en-2012-un-16-menos.html Economía/Motor.- La planta de PSA Peugeot Citroën en Vigo produció 297.300 vehículos en 2012, un 16% menos - Ecomotor.es». Consultáu'l 29 de setiembre de 2016.